ÜST rəhbəri: ““Vaksin millətçiliyi” pis haldır və bizə kömək etməyəcək”

7-08-2020, 09:37           
ÜST rəhbəri:
“Dünya iqtisadiyyatının düzəlməsi COVİD-19 əleyhinə peyvəndin nə qədər tez tapılmasından asılıdır”.

Bu barədə Ümumdünya Səhiyyə Təşkilatının baş direktoru Tedros Adhan Gebreyesus bəyan edib.

“İqtisadi bərpanı olduqca tez, “COVİD-19”dan dəyən zərəri isə daha az etmək mümkündür. “Peyvənd millətçiliyi” isə olduqca pis haldır və onun heç kimə faydası dəyməyəcək”,-deyə ÜST rəhbəri bildirib.

Gebreyesus bununla dünyanın müxtəlif dövlətlərinin və nəhəng əczaçılıq firmalarının effektli peyvəndin tapılması uğrunda girdikləri amansız rəqabətdən narazılğını ifadə edib.

Onun fikrincə, hər kəs dünyanın düşdüyü bu çətin anlarda “COVİD-19” üzərində nəzarəti əldə etmək uğrunda birləşməlidir. “Əgər bizlər, hamılıqla təhlükəsizlik içində olmasaq, heç bir ölkənin qurtuluşundan danışa bilmərik”,-deyə o söyləyib.

ÜST-ün fövqaladə vəziyyətlər üzrə direktoru Maykl Rayan Rusiyanın hazırladığı peyvənd barədə danışıb. Onun sözlərinə görə, dövlətlər istənilən peyvəndin effektivliyi və təhlükəsilziyin təmin olunması üçün keçirdikləri sınaqlar barədə təşkilatı məlumatlandırmalıdır.

Mayklı Rayanın fikrincə, virusa qarşı çarəni tapmaq naminə ölkələr könüllü də olsa canlı insanları sınaq obyekti kimi istifadə etmək siyasətindən qaçmalıdırlar.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru