Beyrut limanında baş vermiş partlayışın vurduğu zərər 15 milyard dolları ötüb

13-08-2020, 06:42           
Beyrut limanında baş vermiş partlayışın vurduğu zərər 15 milyard dolları ötüb
Avqustun 4-də Beyrut limanında baş vermiş güclü partlayış nəticəsində dəymiş ziyan 15 milyard dollardan çox qiymətləndirilir.

APA “TASS”-a istinadən xəbər verir ki, bunu ölkə prezidenti Mişel Aun İspaniya kralı VI Filipplə telefon danışığında bildirib.

“Prezident Aun qeyd edib ki, ilkin hesablamalara görə, Livana dəymiş ziyan 15 milyard dolları ötüb”, - Livan prezidentinin mətbuat xidmətinin internet saytında yayılan açıqlamada qeyd olunub.

Öz növbəsində İspaniya kralı Livan xalqına başsağlığı verərək, lazımi köməkliyi göstərməyə hazır olduğunu deyib.

Qeyd edək ki, sığorta şirkətləri ilkin qiymətləndirmə zamanı Beyrut limanında baş vermiş partlayışdan sonra dəyən ziyanın 3 milyard dollar dəyərində olduğunu bildiriblər.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.