Fransanın paytaxtı Parisdə yerləşən Luvr muzeyi ilginc bir etiraza səhnə olub. Belə ki, muzeyə daxil olan afrikalı bir adam, ''Bizdən oğurlananı aparmağa gəldim" deyərək muzeydə sərgiyə qoyulan taxta heykəli yerindən söküb.

Moderator.az xəbər verir ki, müstəmləkə dövründə Afrikadan oğurlanan əsərlərin geri qaytarılması üçün Fransaya çağırış edən adam "Kolonistlər tərəfindən bizdən oğurlanan və talan edilmiş hər şeyi, bütün Afrika adına, vətəni uğrunda öldürülən və alçaldılmışlar insanların adına geri qaytarmaq üçün gəldim" deyib.

Qeyd edək ki, baş verən hadisə zamanı əlindəki heykəllə muzeydən çıxmağa çalışan afrikalı, muzeydəki ziyarətçilər tərəfindən sakitləşdirilib.