AVRO-2020: Türkiyə Moldovanın qonağı olacaq, İngiltərə Kosovonu sınağa çəkəcək
10-09-2019, 02:09
Bu gün AVRO-2020-nin seçmə mərhələsində VI tura yekun vurulacaq.
APA-nın məlumatına görə, A, B və H qruplarında yeddi qarşılaşma keçiriləcək.
A qrupunda liderlərin dueli baş tutacaq. İtkisiz irəliləyən İngiltərə sürpriz nəticəyə imza atan Kosovonu sınağa çəkəcək. Sonuncu sırada qərarlaşan Monteneqro isə Çexiyanı qəbul edəcək.
B qrupunda eyni xala malik Lüksemburqla Serbiya görüşəcək. Portuqaliya isə Litvada autsayderin qonağı olacaq.
Türkiyə millisi mübarizə apardığı H qrupunda növbəti matçına çıxacaq. Şenol Günəşin yetirmələri Moldovaya səfər edəcək. “Ay-ulduzlular”ın liderliyə şəriklərindən İslandiya Albaniyada oynayacaqsa, Fransa evdə Andorra ilə görüşəcək.
Qeyd edək ki, turun digər oyunları sentyabrın 8-9-da keçirilib.
AVRO-2020-nin seçmə mərhələsi VI tur 10 sentyabr
A qrupu 22:45. Monteneqro – Çexiya 22:45. İngiltərə - Kosovo
B qrupu 22:45. Lüksemburq – Serbiya 22:45. Litva – Portuqaliya
H qrupu 22:45. Moldova – Türkiyə 22:45. Fransa – Andorra 22:45. Albaniya – İslandiya