“İstəməzdim ki, Çingizin adı bu işdə hallansın” - Mirşahin

10-12-2019, 19:52           
“İstəməzdim ki, Çingizin adı bu işdə hallansın” - Mirşahin
“Əgər tenderdə qalib gələriksə, “REAL Radio” da ixtisaslaşmış xəbər radiosu olacaq. Çünki bizim məqsədimiz Azərbaycan cəmiyyətini xəbərlə təmin etməkdir”.
“Qafqazinfo” xəbər verir ki, bunu REAL TV-nin rəhbəri Mirşahin Ağayev sözügedən kanalın efirində deyib. O qeyd edib ki, “REAL Radio” fasiləsiz informasiya radiosu olacaq: “Bizim texniki cəhətdən bütün işlərimiz yekunlaşıb. Artıq yayıma çıxmağa hazırıq. Müasir radio fəaliyyətinə imkan verən bütün xırdalıqlar hesablanıb. Peşəkarlar tərəfindən efirin istismarına hazırıq”.
M. Ağayev “102 FM”in tenderə çıxarılması ətrafında yaranan müzakirələrə də münasibət bildirib.
O qeyd edib ki, teleradio mühitində fövqəladə hadisə baş verməyib: “Milli Televiziya və Radio Şurası növbəti tender elan edib. Boş qalmış tezliyə müsabiqə elan edir. Çingiz Mustafayev mənim üçün xüsusi mövzudur. Şəxsən tanımışam, dostum olub, Azərbaycan xalqının şərəfli övladıdır. İstəməzdim ki, Çingizin adı bu işdə hallansın. Ortada böyük avantüra var. Keçmiş “ANS ÇM” Çingiz Mustafeyevin adını daşıması emosional faktdır, amma bunun arxasında hər hansı hüquqi fakt dayanmır. Qəhrəmanın adını küçəyə vermək olar. Ancaq “102 FM” tezlikdir. O dövlətin mülkiyyətidir, dövlət onu satmır, sadəcə icarəyə verir. Ona görə də Çingiz Mustafayev adına radio satışa çıxarılıb demək düzgün deyil”.шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.