Nazir icra başçılarından PA-ya şikayət etdi – Korrupsiya faktları

21-04-2019, 19:52           
Nazir icra başçılarından PA-ya şikayət etdi – Korrupsiya faktları
Əmək və əhalinin sosial müdafiəsi naziri Sahil Babayev Prezidentin Ərazi-təşkilat məsələləri üzrə köməkçisi - şöbə müdiri Zeynal Nağdəliyevə şikayət edib.

Bu barədə etibarlı mənbədən məlumat daxil olub. Məlumatda bildirilir ki, nazir Sahil Babayev rəhbərlik etdiyi sahədə mövcud olan nöqsanların aradan qaldırılması üçün Prezidentin köməkçisi Zeynal Nağdəliyevdən dəstək istəyib.

Nazir bu sahədəki nöqsanların aradan qaldırılmasına icra başçılarının əngəllər yaratdığını söyləyərək, Prezidentin köməkçisinə şikayət edib.

Sahil Babayev şikayətində qeyd edib ki, bir sıra İcra Hakimiyyəti rəsmiləri ayrı-ayrı vətəndaşları işə götürmək adı ilə məşğulluğa cəlb edərək, onların adına olan maaş kartlarını özlərində saxlayır.

Daha sonra isə həmin vəsaitləri mənimsəyirlər. Nəticədə sözügedən vətəndaşlar sənəd üzərində işlə təmin edilmiş kimi göstərilsə də, ancaq faktiki olaraq işsiz qalırlar.

Həmçinin, nazir bir sıra İcra Hakimiyyəti başçılarının yerlərdə sosial müdafiə sahəsinə yersiz müdaxilələr etmələrindən də şikayətlənib.

Prezidentin köməkçisi Zeynal Nağdəliyev isə sadalanan problemlərin həllində üzərinə düşən köməkliyi göstərəcəyini bildirib.

Demokrat.azшаблоны для dle 11.2













Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.