İraqın paytaxtı Bağdad şəhərində və ölkənin digər əyalətlərində baş verən iğtişaşlarda ölənlərin sayı 40 nəfərə çatıb.

Publika.az "RİA-Novosti" agentliyinə istinadən xəbər verir ki, baş verən qarşıdurmalarda iki min nəfər yaralanıb.

***

25 oktyabr 23:05

İraqın paytaxtı Bağdadda, ölkənin mərkəzində və cənubundakı bir sıra şiə əyalətlərində bu gün yenidən başlayan hökumət əleyhinə nümayişlərdə ölənlərin sayı 24-ə çatıb.

Publika.az xarici mediaya istinadən xəbər verir ki, təhlükəsizlik mənbələrinin məlumatına görə, ölkənin cənubunda yerləşən Nasiriye vilayətində etirazçılar şiə milis gücü “Asayib Ehlilhak Hərəkatı”nın binasına girməyə çalışarkən atəşlə qarşılanıblar.

Bundan başqa, etirazçıların “Bədr” Təşkilatı, İraq “Hizbullah” Təşkilatı və digər şiə partiyalarının binalarına girərək yanğınlar törətdyi bildirilir.

Qeyd edək ki, etirazlar yaşayış şəraitinin pisləşməsinə, işsizliyin artmasına və hökumətdəki korrupsiyaya etiraz olaraq keçirilir.