Yunanıstanın Ermənistan ordusuna təlim keçdiyini əks etdirən görüntülər yayılıb.

BAKU.WS-in Türkiyə mətbuatına istinadla verdiyi məlumata görə, Yunanıstan Silahlı Qüvvələrinin (7. Amfibiya Bölüyü) və Ermənistanın xüsusi təyinatlılar alayının “ortaq təlim, mövcud ikitərəfli hərbi əməkdaşlıq" proqramı çərcivəsində Yunanıstan Baş Qərargahının nəzarətində Afinanın "Nea Peramo" bölgəsində hərbi təlim keçdiyi bildirilib.

Məlumata görə, Yunanıstanın təlim keçdiyi bölükdə 60 erməni hərbçisi olub. İki günlük təlim zamanı yunan ordusu erməni hərbçilərə sürətli reaksiya vermə, yaxın savaş atışları və küçə savaşı ilə bağlı göstərişləri icra etməyi öyrədiblər.

Xatırladaq ki, dünən Azərbaycana qarşı döyüş əməliyyatlarında iştirak etmək üçün Yunanıstandan Ermənistana onlarla muzdluların gəlməsi barədə də məlumat yayılıb.