Ermənistanın keçmiş müdafiə naziri, general-polkovnik Mikael Arutyunyan müharibənin ilk günlərində müdafiə naziri David Tonoyanla söhbətində Ermənistana, "Artsaxa" gəlməyə və onun yanında olmağa, peşə təcrübəsi ilə dəstək olmağa hazır olduğunu bildirib. Lakin Tonoyan cavab verib ki, "Qazanacağıq, buna ehtiyac yoxdur".

Publika.az xəbər verir ki, o, bu barədə 168.am-a danışıb.

"Artsax"da müvafiq mütəxəssis çatışmazlığı səbəbindən istifadə edilə bilməyəcək rus avadanlıqlarının olduğunu bilən Arutyunyan bu cür mütəxəssislərin göndərilməsini təklif edib, lakin bu təklif də rədd edilib.

"Mütəxəssis olmadığı üçün istifadə edilə bilməyən rus texnikaları var idi. David Tonoyana kömək etməyi təklif etdim, rədd etdi, hər şeyin olduğunu söylədi", - Arutyunyan deyib.