Ardıcıl səkkizinci həftədir dünyada koronavirusa yoluxma hallarının sayı artır
19-04-2021, 21:36
Son bir həftə ərzində dünyada 5,2 milyondan çox insan koronavirusa yoluxub.
“Report” TASS-a istinadən xəbər verir ki, bu barədə Ümumdünya Səhiyyə Təşkilatının (ÜST) baş direktoru Tedros Adhanom Gebreyesus Cenevrədə keçirdiyi brifinqdə bildirib.
Onun sözlərinə görə, yoluxma sayı ardıcıl səkkizinci həftə artıb.
“Ölüm hallarının sayındakı artım isə ardıcıl beşinci həftədir müşahidə olunur. ÜST-yə 3 milyondan çox insanın ölümü barədə məlumat daxil olub”, - ÜST rəhbəri deyib.
