112 ailədən cəmi 10-nu qaldı: Bakıdakı bu bina bir ildir sökülmür - VİDEO
10-09-2022, 12:05
Məlum olduğu kimi, Bakıda sovet dönəmindən qalma beşmərtəbəli binalar, sökülür yerində isə daha müasir binalar tikilir.
bu binalardan biri də Yasamal rayonu Abbas Mirzə Şərifzadə küçəsi 192 ünvanında yerləşir.
ARB 24-ün xəbərinə görə, söküntü işlərinə 2021-ci ildə qərar verilsə də, sakinlərin bir qismi hələ də evlərini tərk etmir. Bu səbəbdən binanın söküntüsü tam bitməyib.
Mənzillərini ərk etməməkdə israrlı olan sakinlərdən biri deyir ki, onlara ev təklif edilir. Ancaq verilən evlər onları qane etmir. Mənzili tərk edənlər isə həmin binanı kirayə mənzil bazarına çıxaranlardır. Sakinlər deyir ki, istədikləri edilməsə, binanı tərk etməyəcəklər.
Yeni binanın qurulmasında iştirak edən sahibkarlar isə vətəndaşların istədikləri məbləğin sökülən mənzilin qiymətindən daha baha olduğunu deyirlər.
Daha ətraflı videoda:
