İran pilotsuz təyyarələrinin yeni modelləri Rusiyanın Ukraynaya genişmiqyaslı müdaxiləsindən sonra hazırlanıb.

Qafqaz.media xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi açıqlama yayıb.

““Mohajer-6” pilotsuz təyyarəsinin yeni modeli yalnız bu ilin fevral ayında hazırlanıb. Onu Rusiya Federasiyasına çatdırmaq üçün vaxt lazım idi. Yəni, onlar bu il çatdırılıb”, - Ukrayna Müdafiə Nazirliyinin Baş Kəşfiyyat İdarəsinin nümayəndəsi bildirib.

“Mohajer” müxtəlif ölkələrdə istehsal olunan hissələrdən yığılır. Mütəxəssisin sözlərinə görə, komponentlərin əksəriyyəti ABŞ-dandır. Dronda həmçinin Avstriya mühərriki və Yapon kamerası var.

“Biz burada heç bir rus elementi tapmadıq. Bir elementdə farsca yazı var. Görünən diapazon kamerası – Yaponiyaya məxsusdur. Çin istehsalı olan lazer məsafəölçəndən istifadə olunub. İran istehsalı olan hava bombası ilə təchiz edilib”, - deyə vurğulanıb.