"Mən ağrı və yanıq qoxusunu xatırlayıram, mən yalnız alovu hiss edirdim..."

"Mən hələ də ağrı hiss edirəm, qasırğa yaxınlaşanda mənim sinəm ağrıyır..."

ABŞ-dan olan, özünün altı övladının gözləri qarşısında ildırım vuran qadın deyir ki, indi tufan və fırtınanın yaxınlaşmasını hiss edə bilir.

Moderator.az xəbər verir ki, bu barədə "Mirror" nəşri yazıb.

2009-cu ildə ABŞ-ın Texas ştatının Forni şəhər sakini Kimberli Kron aidiyyəti üzrə altı aydan doqquz yaşınadək olan övladlarına yemək verdikdən sonra mətbəxdə tavanı yuyan zaman həmin ərazidə güclü fırtına hökm sürüb, cəmi 5 dəqiqə ərzində ekspertlər 1200 ildırım çaxmasını qeydə alıb.

Bir neçə andan sonra mətbəxdə böyük ölçülü ildırım peyda olub, qadının əlində tutduğu tavadan sıçrayaraq övladlarının gözləri qarşısında onun sinəsindən vurub.

"Mən ağrı və yanıq qoxusunu xatırlayıram, mən yalnız alovu hiss edirdim, bu, mənim düşünə biləcəklərim olub, mən bunun tez bir zamanda bitməsini istəyirdim ", - Kimberli bölüşüb.

Xoşbəxtlikdən, onun 9 yaşlı oğlu tezliklə köməyə gəlib və təcili yardıma zəng edib. O, dispetçerə deyib ki, "ildırım tavandan keçib" və anasının vəziyyəti çox pis olub. Dərc edilən qeydiyyatda şok keçirən uşaq anasından ölməməyi yalvarır.

Paralel olaraq daha bir ildırım elə həmin evə, amma başqa otağa düşüb, orada kompüter yanıb.16 dəqiqədən sonra hadisə yerinə təcili yardım xidmətləri gələrək amerikalı qadını xəstəxanaya çatdırıb, orada üç gün ərzində ona yardım edilib.

Zərərçəkəndə dəhşətli tutmalar olub, habelə ildırım zərbəsindən onun sinir sistemi sıradan çıxıb. Bir neçə ildən sonra jurnalistlərlə söhbətində Kron etiraf edib ki, indi o, yaxınlaşan fırtına və qasırğanı hiss edə bilir, amma bu zaman onun sinəsi ağrıyır.

"Mən hələ də ağrı hiss edirəm. Qasırğa yaxınlaşanda mənim sinəm ağrıyır, getdikcə yaxınlaşanda, ağrı güclənir. İldırım vurmasına gəlincə, siz həmişə qorxacaqsınız, həmişə əsəbiləşəcəksiniz", - o, bölüşüb.

Altı övlad anası indiyədək baş gicəllənməsi tutmalarından əziyyət çəkir, həmçinin bədənin sol tərəfi sağa nisbətən zəifdir. Maraqlıdır ki, qadın indiyədək onu ildırım vuran rayonda yaşayır.