Tenderlərə , onların nəticələrinə nəzər salıram.
Dövlət qurumları milyonlar xərcləyirlər texnologiyalara.
Bu layihələrin səmərəlilik və effektivliyi bir başqa müzakirə mövzusudur.
Amma tender qaliblərinin kim olduğu və ya olacağı artıq mübahisə doğurmur.
Texnologiyalar sahəsində başa çatmış tenderlər elanı üzrə qalibin kim ola biləcəyini öncədən müəyyən etməklə bağlı özümü yoxlamaq qərarına gəldim
Nümunə olaraq Dövlət Vergi Xidmətinin texnologiyalarla bağlı başa çatmış böyük bir tender elanına nəzər saldım.
Nəticələrə baxmadan, təcrübəmə və topladığım dataya əsasən qalibin yalnız iki şirkətdən biri ola biləcəyini düşündüm.
Nəticələrə baxdım, yanılmamışdım.
Sektorda təxminən bu cür oxşar situasiya formalaşıb.
Antiinhisar elə düşünə bilər ki, biz bunu müəyyən etmək üçün hansısa süni intellekt həllindən istifadə edirik . Əsla.
Sadəcə tendensiyanı izləmək, dataya sahib olmaq, müşahidə və təcrübə.
Təəssüf ki, sektorda reallıq təxminən bu formadadır.
Antiinhisarın əvvəlki işlərindən əsər-əlamət qalmayıb.
Xeyli zəifləyiblər və mövcud durumla barışmış kimi görsənirlər.
Hansı ki, Prezident tərəfindən məhz bu sektorda qayda-qanun yaradılması ilə bağlı xüsusi tapşırıqlar verilmişdi.
Osman Gunduz