İlahiyyatçı Elşad Miri Məhəmməd Peyğəmbərin qadınlar haqqında dediyi sözlər kimi tirajlanan fikirlərə münasibət bildirib.

Tribunainfo.az yazır ki, ilahiyyatçı Peyğəmbərin fikirləri kimi paylaşılan bir çox sözlərin onunla heç bir əlaqəsi yoxdur:

“Sizcə, Muhəmməd Peyğəmbər qadınlar haqqında bu cür söz deyə bilərmi:
Özümdən sonra kişilərə qadınlardan daha zərərli bir fitnə qoymadım (Buxari, Nikah, 17; Muslim Zikir 97).

Təsəvvür edin ki, bu ifadələr bəziləri tərəfindən Qurandan sonra ən səhih, ən mötəbər hesab edilən kitablarda yazılıb.

İslamın qadına münasibəti budurmu? 4 qız atası Muhəmməd peyğəmbər belə bir söz deyə bilərdimi. Bu cür yanaşma Qurana zidddir. Bir insanın öz cinsini seçmək şansı olubmu? Bu nə təfəkkürdür, bu nə yanaşmadır, bu nə böhtandır atılır Peyğəmbərə qarşı…”