Stüardessa bildirib ki, uçuşun ən fövqəladə mərhələləri təyyarənin havaya qalxması və enişdir.

Lent.az-ın xarici mediaya istinadla xəbərinə görə, Kamilla adlı stüardessa qeyd edib ki, turbulentlik səbəbindən sərnişinlər boş yerə narahat olurlar.

Onun sözlərinə görə, bu, uçuşun ən təhlükəli hissəsindən uzaqdır. “Hələ heç bir təyyarə turbulentliyə görə qəzaya uğramayıb. Təyyarədə ən çox qəzalar uçuş və eniş zamanı baş verir”, - o əlavə edib.

Bununla belə, stüardessanın sözlərinə görə, turbulentliklə bağlı bəzi risklər hələ də qalmaqdadır. “Bir gün bir həmkarım gözlənilməz turbulentlik səbəbindən sərnişinin üzərinə soyuq içki tökdü. Paltarını təmizləyib qurudarkən ona ekipaj pijamalarını verməli oldum. Olduqca gülməli hadisə idi. Xoşbəxtlikdən, sərnişin çox anlayışlı idi!” - Kamilla xatırladıb.