Baltik dənizində “Şimal axını-1” və “Şimal axını-2” qaz kəmərlərinin partladılmasını Ukrayna diversantları tərəfindən həyata keçirilə bilər.

“AzPolitika.info” xəbər verir ki, bu barədə Almaniyanın "Der Spiegel" jurnalı və ZDF media şirkətinin birgə araşdırmasında deyilir.

Jurnalistlər təşkilatçıların diversiyanı Almaniyanın “Mola Yachting” şirkətindən icarəyə götürdükləri “Andromeda” yaxtasının dalğıcları və partlayıcılar qrupu tərəfindən həyata keçirildiyini güman edirlər. İstintaq onun üzərində HMX partlayıcısının izlərini tapıb, bu partlayış yerindən tapılanın eynisidir.

Araşdırmaçılar 2022-ci ilin yayında Almaniya, Hollandiya və Amerika Mərkəzi Kəşfiyyat İdarəsi arasında gedən yazışmaları əldə ediblər və ona istinad edirlər. Orada Ukrayna tərəfindən hazırlanan təxribatla bağlı xəbərdarlıq var və əməliyyata birbaşa Ukrayna Silahlı Qüvvələrinin Ali Baş Komandanı Valeri Zalujnının rəhbərlik etdiyi, Ukrayna Prezidenti Vladimir Zelenskinin isə bundan xəbəri olmadığı bildirilir. “Spiegel” Almaniya hakimiyyətinin xəbərdarlığa lazımi diqqət yetirmədiyini iddia edir.

Jurnalistlər və polis təxribat qrupunun üzvlərindən birinin şəxsiyyətini müəyyənləşdirə bilib. Bu, Dnepr şəhərindən olan Ukraynanın 93-cü Mexanikləşdirilmiş Silahlı Qüvvələrinin hərbçisi Valeri K. -dır. Onun DNT izləri “Andromeda” yaxtasında tapılıb.

Araşdırma müəllifləri qruplaşmanın Kiyevin göstərişi ilə hərəkət edib-etmədiyini, bu halda əmri kimin verdiyini, yoxsa təxribatı özbaşına planlaşdırdığını müəyyən edə bilmədiklərini qeyd ediblər.

2022-ci il sentyabrın sonunda Baltik dənizində “Şimal axını 1” və “Şimal axını 2” qaz kəmərlərinin dörd xəttindən üçü zədələnib. Magistral kəmərlər təmir üçün uyğun deyil. İsveç, Danimarka və Almaniyanın araşdırmaları göstərdi ki, qaz kəmərləri partladılıb, lakin günahkarlar hələ də müəyyən edilməyib.

Rusiya hakimiyyəti olayda ABŞ və müttəfiqlərinin maraqlı olduğunu düşünür. Ukrayna Prezidenti Volodimir Zelenski Kiyevin “Şimal axını” kəmərlərinə qarşı diversiyada iştirakını inkar edib.