Britaniyanın mərhum kraliçası II Elizabet bir dəfə narahatedicı dövlət səfəri zamanı "dəhşətli" bir qonaqla görüşməmək üçün kolların arxasında gizlənib.

Bu barədə "Fox News" kral ailəsi məsələləri üzrə ekspert Riçard Fitsvilliamsa istinadən yazıb.

Ekspertlərin fikrincə, hazırkı heç bir tədbir, hətta ABŞ prezidenti Donald Trampın son səfəri belə vəfat etmiş monarxın belə mübahisəli bir qonaqla unudulmaz görüşü ilə müqayisə edilə bilməz. Söhbət 1978-ci ildə Rumıniya diktatoru Nikolay Çavuşesku və həyat yoldaşı Yelenanın səfərindən gedir. Fitsvilliams onların səfərini "ən fəlakətli səfərlərdən biri" adlandırıb.

"Onlar Bukingem sarayına qulaqasmalar cihazları quraşdırıldığına inanaraq özlərini sadəcə bağda təhlükəsiz hiss edirdilər. Kraliça II Elizabet onları görəndə danışmamaq üçün bir kolun arxasında gizləndi. Kraliça onları dəhşətli hesab edirdi", deyə ekspert danışıb.

Xatırladaq ki, kommunist diktatoru Bukingem sarayına dəvət etmək qərarı Böyük Britaniya hökuməti tərəfindən qəbul edilib. Mətndə yazılır ki, Çavuşeskunun kolun arxasında gizlənən kraliçanı görüb-görmədiyi məlum deyil, lakin Böyük Britaniya hökumətinə kraliçanın bu səfəri təsdiq etmədiyi bildirilib.