Əksər sürücülər manevr və ötmə zamanı yan güzgülərdən istifadə etmirlər. Bu cür hallara görə kifayət qədər qəzaların baş verməsinə baxmayaraq, sürücülər yenə də buna dırnaqarası baxır. Avtosfer.az xəbər verir ki, belə bir sürücülərdən biri avqustun 27-də, Bakı-Sumqayıt yolunda kameraya düşüb. Belə ki, 75-BF-805 qeydiyyat nişanlı "Changan" markalı avtomobilin sürücüsü güzgüyə baxmadan sol zolağa manevr etməyə başlayıb. Görüntünü qeydə alan sürücü peşəkarlıq göstərərək qəfildən sola manevr edib və qəzadan yayına bilib.