Dietoloq Meqqi Mihalçik elmi araşdırmalara istinadən payızda immuniteti dəstəkləyən on qidanın adını açıqlayıb.

Cebhe.info xəbər verir ki, məhsulların siyahısını “Huffpost” portalı yayıb.

Bunlara balqabaq, bal, gül kələm, Brüssel kələmi, akorn balqabağı, alma, armud, zoğal, sarıkök və hind qozu daxildir. Bütün bu qidalar C, B və A vitaminləri, antioksidantlar, minerallar və flavonoidlərlə zəngindir. Bütün bu maddələr bədəndəki iltihabı yatırır və immun sistemini gücləndirir.

Məsələn, bir stəkan balqabaq gündəlik A vitamini ehtiyacınızın təxminən 200%-ni ehtiva edir. Bal öskürəyə qarşı təbii vasitədir. Alma və armud kalium, K vitamini, manqan və müxtəlif B vitaminlərinə əlavə olaraq əla lif və C vitamini mənbəyidir.

Mütəxəssis qeyd edib ki, payız aylarında xəstəliklərin qarşısını almaq üçün bu məhsulları hər gün istehlak etmək olar. Bununla belə, bu məhsulların bütün faydalı xüsusiyyətlərinə baxmayaraq, dietoloq vurğulayır ki, qrip, və koronavirusdan ən yaxşı qorunma vaxtında peyvənddir.