Şirniyyatçı Marina Romanova yüksək keyfiyyətli şokoladı necə müəyyənləşdirmək lazım olduğunu söyləyib. Foodinfo.az xəbər verir ki, o, bu barədə Life.ru saytına müsahibəsində danışıb. Bildirib ki, kakaoya layiqli alternativ yoxdur. Kakao kütləsinin hər hansı əvəzedicisi ilə istehsal olunan məhsulları əsl şokolad adlandırmaq olmaz. Onun sözlərinə görə, yaxşı şokoladın əlaməti soya məhsulları, süni dadlandırıcılar və rənglər kimi əlavələrinin olmamasıdır.Qırılan zaman yüksək keyfiyyətli şokolad xarakterik bir xırtıldama əmələ gətirir. Həqiqi məhsul +30...+32 °C temperaturda əriməyə başlayır.Tünd və acı şokolad 18 aya qədər, südlü şokolad bir ilə qədər, ağ şokolad isə altı aya qədər saxlanıla bilər.