Eksperiment çərçivəsində iki fərqli cinsdən olan toyuğa eyni yem verilib.
Toyuq cinsi və onlara verilən yem yumurtanın keyfiyyətinə təsir edə bilər.
Bu barədə "Poultry Science"da dərc olunan məqalədə bəhs edilib.
Eksperiment çərçivəsində iki fərqli cinsdən olan toyuğa eyni yem verilib. Nəticədə birincinin yumurtalarında saçın, dərinin və dırnaqların vəziyyətini yaxşılaşdırmaq üçün bədənə kollagen istehsal etməyə kömək edən sistein amin turşusunun səviyyəsi artıq çıxıb.
Ancaq ikinci tip cins toyuqların yumurtalarında bu amin turşusu daha az olub.
İki il sonra eyni elmi nəşrdə başqa bir araşdırma dərc olunub. Elm adamları müəyyən ediblər ki, bəzi toyuq cinsləri, sarısında daha çox karotenoid lutein olan yumurta istehsal edir ki, bu da gözləri digər cinslərin yumurtalarına nisbətən günəş şüalarının və göz xəstəliklərinin zərərli təsirlərindən daha yaxşı qorumağa kömək edir.
Yumurtaların rənginin onların faydalı xüsusiyyətlərinə təsir edib-etmədiyinə gəldikdə isə - qida dəyəri qabığın rənginə görə mühakimə edilə bilməz. Belə ki, ağ tüklü toyuqlar ağ yumurta, qəhvəyi lələklilər isə qəhvəyi yumurta yumurtlayırlar.
Sarısının rəngi sizə bir az daha faydalı məlumat verə bilər: əgər toyuq əsasən buğda ilə qidalanıbsa, sarının rəngi daha açıq olacaq. Karotenoidlərlə zəngin bir yem yumurtanın sarısını tünd narıncıya çevriləcək. Bununla belə, sağlamlıq nöqteyi-nəzərindən, hansı yumurtanın yeyilməsi arasında praktiki olaraq heç bir fərq yoxdur - onların arasındakı fərq minimaldır.