12,500 il əvvəl nəsli kəsilmiş Aenocyon dirus, yəni dire canavarı, genetik mühəndislik texnologiyalarının köməyi ilə yenidən həyata qaytarılıb. Dallas mərkəzli “Colossal Biosciences” şirkətinin alimləri qədim DNT, klonlaşdırma və gen redaktə üsullarından istifadə edərək boz canavarların genomunu dəyişdirmiş və nəticədə üç yeni dire canavarı balası dünyaya gəlmişdir. Bu canavarlar genetik baxımdan hibrid sayılır və zahirən nəsli kəsilmiş əcdadlarına çox bənzəyirlər. Dire canavarı bir zamanlar Şimali Amerikanın ən güclü yırtıcılarından biri olub və HBO-nun “Game of Thrones” serialında simvolik obraz kimi yer alıb. Bu nailiyyət təkcə paleogenetikanın deyil, həm də “de-extinction” (yenidən canlandırma) elminin gələcək potensialını nümayiş etdirir.
ЕУКУАВ