Zərdab RPŞ məktəblərdə maarifləndirmə tədbiri keçirib

7-02-2023, 07:57           
Zərdab RPŞ məktəblərdə maarifləndirmə tədbiri keçirib
Zərdab Rayon Polis Şöbəsinin təşkilatçılığı ilə Z.Aslanov adına Gödəkqobu kənd tam orta məktəbində “Narkomaniyaya yox, erkən nikaha və dini radikalizmə qarşı mübarizə” mövzusunda görüş keçirilib. Tədbirdə Rayon İcra Hakimiyyətinin nümayəndələri, məktəbin pedaqoji heyəti və yuxarı sinif şagirdləri iştirak ediblər.
Görüşdə RPŞ-nin rəis müavini, polis polkovnik-leytenantı İkram Əhmədov çıxış edərək cəmiyyətin ən böyük probleminə çevrilən "ağ ölümün" fəsadlarından danışıb. O, bildirib ki, bu zərərli maddələrin aludəçisinə çevrilən gənclər öz sağlamlıqlarını itirməklə yanaşı, parlaq gələcəklərini də məhv edirlər. Buna görə də, cəmiyyətin hər bir üzvü bu maddələrin yayılmasının qarşısının alınması istiqamətində aparılan profilaktiki işlərdə fəallıq göstərməli, ətrafında zərərli vərdişlərə qurşanan şəxslərin normal həyata qayıtmasında öz köməkliyini əsirgəməməlidir.
Görüşdə dini radikalizm və erkən nikah mövzusuna da toxunulub və tədbir iştirakçılarını maraqlandıran sualları cavablandırılıb.














Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru