Dilin rəngi və vəziyyəti sağlamlıq haqqında vacib məlumatlar verə bilər. Foodinfo.az xəbər verir ki, sağlam dil adətən açıq çəhrayı rəngdə və yüngül nəmli olur. Hər hansı rəng dəyişiklikləri, örtüklər və ya çatlar bədənin ümumi sağlamlığı ilə bağlı problemlərin göstəricisi ola bilər.Dil üzərində ağ örtük göründükdə bu, bədəndə infeksiya, susuzluq və ya həzm sistemi pozğunluqlarına işarə ola bilər. Sarımtıl rəng qaraciyər və ya öd kisəsi problemlərinə, mədə-bağırsaq pozğunluqlarına və hətta bakterial infeksiyalara işarədir. Qırmızı və ya parlaq dil B vitamini çatışmazlığı və ya iltihabın əlaməti ola bilər.Dilin bənövşəyi və ya mavi rəngi qan dövranı problemlərini və ya oksigen çatışmazlığını göstərə bilər. Tünd rəngli və ya qəhvəyi örtük isə siqaret çəkmək, zəif ağız gigiyenası və ya bəzi dərmanların istifadəsi ilə əlaqəli ola bilər.Dil üzərində yaralar, çatlar və ya qeyri-adi toxuma dəyişiklikləri də müəyyən xəstəliklərin gösticisidir. Məsələn, çatlaqlı və ya quru dil susuzluq, hormonal pozğunluqlar və ya diabet əlaməti ola bilər. Dil sağlamlığını izləmək üçün onu mütəmadi olaraq yoxlamaq və hər hansı dəyişiklik olduqda həkimə müraciət etmək vacibdir. Sağlam dil ümumi sağlamlıq üçün dəqiq bir göstərici ola bilər.