Breksit üzrə saziş bütün britaniyalıların – həm Avropa İttifaqından çıxmağa, həm də onun tərkibində qalmağa səs verənlərin maraqlarına cavab verir.

Publika.az “RİA-Novosti” agentliyinə istinadən xəbər verir ki, bu haqda Böyük Britaniyanın baş naziri Tereza Mey bildirib.

Baş nazir xatırladıb ki, 2019-cu il martın 29-da Birləşmiş Krallıq Avropa İttifaqını tərk edəcək.

“Biz ölkəmizin həyatında yeni fəsiləyə başlayacağıq”, - o əlavə edib.

Qeyd edək ki, Avropa İttifaqı ölkələrinin dövlət və hökumət başçılarının Böyük Britaniyanın qurumdan çıxmasına həsr olunmuş təcili sammit noyabrın 25-də keçiriləcək. Dövlətlər Breksit haqqında sazişi bəyənəcək. Sonda növbəti addımların birgə müzakirəsi üçün Tereza Meylə görüş olacaq.