Koreya Xalq Demokratik Respublikasının (KXDR) lideri Kim Çen In və ABŞ prezidenti Donald Tramp Hanoyda keçirilən görüşün gedişatında ikitərəfli əlaqələrin müzakirəsini davam etdirməyi razılaşdırıblar.

"Report" xəbər verir ki, bu barədə Koreyanın Mərkəzi Teleqraf Agentliyi (STAK) məlumat yayıb.

Agentliyin məlumatına görə, ikinci sammitin gedişatında Koreya Xalq Demokratik Respublikası və ABŞ liderləri gələcəkdə də Koreya yarımadasının nüvəsizləşdirilməsini Koreya-Amerika münasibətlərinin dövri inkişafı üçün sıx əlaqəni dəstəkləməyi razılaşdırıblar.

Həmçinin bildirilir ki, tərəflər məsələlərin həlli üçün məhsuldar danışıqları davam etmək niyyətindədirlər.

Daha əvvəl Donald Tramp bildirib kl, növbəti ABŞ-KXDR sammitinin vaxtı və yeri barədə razılaşma yoxdur.