Çin lideri Si Jinping “Microsoft”un qurucusu Bill Qeytsə və onun həyat yoldaşı Melindaya koronavirus epidemiyası ilə mübarizədə verdiyi dəstəyə görə təşəkkür məktubu göndərib.

KONKRET.az xəbər verir ki, məktubun mətni “Sinxua” Xəbər Agentliyi tərəfindən yayımlanıb.

Daha əvvəl milyarder Bill Qeyts və həyat yoldaşı Melindanın (Bill & Melinda Gates Foundation) xeyriyyə fondunun “COVID-19”un yayılmasına qarşı qlobal mübarizəyə 100 milyon dollara qədər pul ayıracağı məlum olub.

“İndi Çinin koronavirus ilə mübarizəsində kritik bir an gəldi. Mən Bill & Melinda Geyts Fondunun səxavətliliyinə və belə bir vacib məqamda Çin xalqına həmrəyliyini ifadə edən məktubunuza görə dərin minnətdaram.

Biz bütün xalqı toparladıq və epidemiyanın baş qaldırması və xəstələrin müalicəsi üçün bir sıra tədbirlər gördük. Bu təcili tədbirlər əhəmiyyətli nəticələr verməkdədir. Çin xalqının və dünyanın bütün ölkələrinin həyatını və sağlamlığını qorumaqda qərarlıyıq”. Bunu Çin lideri deyib.

Onun sözlərinə görə, Çin də qlobal ictimai səhiyyə təhlükəsizliyinin təmin olunmasına töhfə verməkdə qərarlıdır.

“Tez-tez söylədiyim kimi, insanlıq bir taleyin icmasıdır və hamını təhdid edən bir xəstəlik üzərində qalib gəlmək üçün ən güclü silah birlik və əməkdaşlıqdır” deyib.

Çin lideri, həmçinin Fondun epidemiyaya qarşı qlobal fəaliyyətə tez bir zamanda qoşulduğunu və baş verənlərin qlobal səviyyədə qorunmasında fəal rol oynadığını vurğulayıb:

“Mən Çinin müvafiq qurumları ilə əməkdaşlığınızı dəstəkləyirəm və ümumdünya sağlamlığı və rifahı naminə beynəlxalq birliyin daha yaxşı koordinasiya və səylərini gözləyirəm”.