Yaponiya koronavirusun yayılması ilə əlaqədar Ümumdünya Səhiyyə Təşkilatının (ÜST) ilk reaksiyasına görə istintaq başladılması üçün çağırış edəcək.

Axar.az xəbər verir ki, bu baradə Yaponiyanın Baş naziri Şinzo Abe deyib. O bildirib ki, Yaponiya Avropa Birliyi ilə birlikdə ədalətli, müstəqil və hərtərəfli bir araşdırma aparılmasını təklif edəcək.

Yaponiyanın Xarici İşlər naziri də istintaqın müstəqil qurum tərəfindən aparılmasının vacib olduğunu bildirib.

Qeyd edək ki, ÜST-ün Çinin ilkin dövrdə epidemiyanın qarşısını ala biləcək kritik məlumatları gizlətməsi iddialarına səhlənkarlıqla yanaşması barədə müzakirələr aparılır. ÜST-nin baş direktoru Tedros Adhanom Qebreyesus isə bu iddialara cavab olaraq virusu siyasiləşdirməməyə çağırıb.