Amerikalı hərbçi Çarlz Briqssin Rusiya kəşfiyyatına işlədiyi məlum olub. Belə ki, o, məxfi məlumatları Rusiya vətəndaşına ötürürmüş.

Cebhe.info xəbər verir ki, bu barədə "The Virginian-Pilot" məlumat yayıb.

Məlumata görə, Çarlz Briqss Portsmut Hərbi-Dəniz Tibb Mərkəzinin İnformasiya və Texnologiya Departamentində çalışıb. O, öz xidməti kompüteri vasitəsilə məxfi müdafiə məlumatlarını yayırmış.

İstintaq hesab edir ki, Briqss ABŞ-a ziyan vurduğunu bilərək bu hərəkəti edib. Hansı məlumatlar və onların kimə ötürüldüyü açıqlanmayıb.

Qeyd edək ki, Briqss hazırda həbs edilib və iyulun 22-də onun məhkəməsi gözlənilir.