Koronavirusa yoluxanların sayı artmaqda davam edir

İspaniyada koronavirusun ikinci dalğası Avropada həyəcanın artmasına səbəb olub.

Teref.az xarici mediaya istinadən xəbər verir ki, İspaniyanın Səhiyyə Nazirliyindən verilən məlumata görə son sutka ərzində 922 yoluxma qeydə alınıb. Fransa tədbir görülmədiyi təqdirdə İspaniya ilə sərhədini bağlayacağını bildirib. İspaniyada Araqon (298), Kataloniya (133), Madrid (107), Navarra (93), Andalusiya (70) yoluxma sayının ən yüksək olduğu bölgələrdir.

Nazirlik PCR testləri nəticəsində koronavirus pandemiyasının başladığından bu yana ümumi yoluxma sayının 272 min 421-ə çatdığını bildirib. Koronavirusdan ölənlərin isə 28 min 432 olduğu açıqlanıb. Ölkədə son bir həftədə virusdan dünyasını dəyişənlərin sayı 10 nəfər olub.

İspaniya Səhiyyə Nazirliyinin məlumatından fərqli olaraq, Kataloniyadan verilən açıqlamada 13 ölüm faktı qeydə alındığı deyilib və 65 nəfərin reanimasiyada müalicə aldığı bildirilib. Fransanın Baş naziri Jean Castex yoluxma sayındakı artımı nəzərə alaraq vətəndaşlarını Kataloniyaya səyahət etməməyə çağırıb. Və bu cür davam edəcəyi təqdirdə İspaniya ilə sərhədi bağlayacaqlarını vurğulayıb. /Ayna.az/