Ümumdünya Səhiyyə Təşkilatının (ÜST) fövqəladə hallar proqramının icraçı direktoru Maykl Rayan COVID-19 ilə mübarizə sahəsində bəzi yerlərdə yenidən məhdudiyyətlərin tətbiq edilməsinə münasibət bildirib.

REAL xəbər verir ki, ÜST rəsmisi Cenevrədə keçirilən brifinqdə səyahət məhdudiyyətlərinin nə qədər davam edəcəyi ilə bağlı fikir söyləməyin çətin olduğunu qeyd edib.

O, əlavə edib ki, bir dalğanın bitdiyini söyləmək üçün, virus nəzarət altına alınmalı və xəstəlik halları əhəmiyyətli dərəcədə azalmalıdır.

Maykl Rayan koronavirus infeksiyasına qarşı əksepidemik tədbirlər də toxunub. Daha sonra ÜST-ün COVID-19 üzrə məsul şəxsi doktor Maria Van Kerxov da birfinqdə çıxış edərək bildirib ki, beynəlxalq ictimaiyyət birmənalı şəkildə post pandemiya dövründə yeni münasibətlər sisteminin yaranması üçün daha qlobal düşünməlidir.