Məşhur polittexnoloq Vitali Şklyarov Minskdə saxlanılıb.

Axar.az xəbər verir ki, bu barədə “Dojd” televiziyasına Belarus prezidentliyinə keçmiş namizəd Valeri Çepkalonun mətbuat xidmətindən məlumat verilib.

Şklyarovun Belarus prezidentliyinə namizəd Svetlana Tixanovskayanın əri Sergey Tixanovski ilə çalışması ucbatından saxlanıldığı vurğulanıb.

Qeyd edək ki, Şklyarov bundan öncə Angela Merkel, Barak Obama və Berni Sanders, Kseniya Sobçak, Qriqol Vaşadzenin seçki kampaniyalarında iştirak edib.