ABŞ-ın Nevada ştatında səsvermə günü yığılan bülletenlər noyabrın 12-dək qəbul ediləcək.

APA-nın RİA Novosti-yə istinadən verdiyi məlumata görə, bunu mətbuat konfransında Klark dairəsinin qeydiyyat şöbəsinin müdiri Co Qloria deyib.

Sistemə daxil edilmiş səsvermə bülletenlərinin qəbulu üçün noyabrın 12-dək vaxtın olduğunu deyən C.Qloria digər məsələlərin də araşdırılacağını vurğulayıb: “Bu tarixədək iki dəfə səsin olub-olmaması məsələsi də araşdırılacaq. Bülletenlər poçtla alındıqda, sistem bu seçicinin iki dəfə səs verib-vermədiyini yoxlayacaq”.

O, bülletenlərdə hər hansı pozuntuların olması ilə bağlı heç bir şey bilmədiyini söyləyib.

Qeyd edək ki, ABŞ-ın bir neçə ştatında da səsvermənin nəticələri hələ məlum deyil.

Xatırladaq ki, noyabrın 3-də ABŞ-da Prezident seçkilər keçirilib. Səsvermənin nəticələrinə görə, ölkədə növbəti 4 il üçün prezident və vitse-prezident müəyyənləşəcək.