Afrika və Orta Şərqdəki bəzi ölkələr kütləvi aclıq ərəfəsindədir.

KONKRET.az xəbər verir ki, Bloomberg nəşri bu barədə BMT məlumatlarına istinad edərək yazır.

Münaqişə, iqtisadi çətinlik, ekstremal hava şəraiti və koronavirus pandemiyası yüz minlərlə insanın qidaya çıxışını məhdudlaşdırır.

Mənbə bildirir ki, dünyada qeyri-sabitlik artıb, 16 ölkə aclıq problemi ilə üz-üzə qalıb.

BMT mütəxəssisləri Burkina Faso, Nigeriyanın şimal-şərqini, Cənubi Sudan və Yəməni “qaynar nöqtələr” adlandırıblar.

Təşkilatdan bildiriblər ki, qidanın qiymətləri və hava şəraiti vəziyyətin gələcək inkişafını təyin edəcək.