İran xarici işlər naziri Məhəmməd Cavad Zərif bölgədəki qonşu ölkələrə səslənib.

Cebhe.info xəbər verir ki, o, ABŞ-ın prezidenti Donald Trampın gedişindən sonra bölgədəki qonşu ölkələri əməkdaşlığa və dialoq aparmağa dəvət edib:

“Tramp getdi, amma qonşuluq qalır. Təhlükəsizliyini özgəsinə etibar etmək olmaz. Yoxsa son ümiddən də məhrum olarsan. Xalqların və ölkələrimizin ortaq mənafelərini təmin etmək üçün iş birliyimizi inkişaf etdirməliyik. Hamını ziddiyyətləri və gərginliyi həll etməyin yeganə yolu olan dialoqa dəvət edirik”-deyə, Zərif özünün “Twitter” səhifəsində qeyd edib.

Qeyd edək ki, ABŞ-da Demokratlar Partiyasından prezidentliyə namizəd Co Bayden seçkilərdə qalib gəlib və Amerika mediası tərəfindən qələbəsini elan edib. Hazırkı ABŞ Prezidenti Donald Tramp isə seçkilərin hələ bitməyəcəyini, məhkəmədə öz qələbəsini müdafiə etmək niyyətində olduğunu söyləyib.