İngiltərə hökuməti müdafiə və enerji kimi həssas sektorları əhatə edən və milli təhlükəsizliyi təhdid edən satınalmalara və şirkət sövdələşmələrinə müdaxilə etməyə imkan verən yeni qanun layihəsinin detallarını açıqlayıb.

Teleqraf.com xəbər verir ki, “Milli Təhlükəsizlik və İnvestisiya Qanunu” adlanan qanun layihəsi nazirlərə zərərli xarici investisiyaların araşdırılması və müdaxiləsi üçün yeni səlahiyyətlər verəcək.

İngiltərənin biznes naziri Alok Şarma qəbul edilən yeni qanun haqda bunları deyib:

“Düşmənlərin şübhəsi olmasın, artıq İngiltərəyə giriş üçün arxa qapı olmayacaq. Qanun layihəsi İngilis xalqının təhlükəsizliyini təhdid edənlərin qapısını bağlayır”.