Moskvada dayəsi tərəfindən başı kəsilən 4 yaşlı Nastyanın valideynləri polisə izahat verib.

Lent.az-ın rus mətbuatına istinadən məlumatına görə, Gülçöhrə Bobokulova bir il əvvəl onlarda işləməyə başlayıb. Qadın onlarda yaxşı mütəxəssis təəssüratı yaradıbmış. Valideynlərin sözlərinə əsasən, dayə uşaqlarına qarşı daim məsuliyyətlə davranırmış. Son günlər Gölçöhrə Bobokulova tez-tez əri ilə münasibətlərinin pis olmasından gileylənərmiş. Dayə istintaqa ifadəsində ərinin ona xəyanət etdiyinə görə belə bir cinayətə əl atdığını deyib.
15:33
Moskvada 4 yaşlı uşağın başını kəsən dayənin kimliyi məlum olub. Lent.az-ın mk.ru-ya istinadən məlumatına görə, bu, Özbəkistan vətəndaşı 38 yaşlı Gülçöhrə Bobokulovadır. O, bir neçə vaxtdır ki, həmin uşağa dayəlik edirmiş.
**

Moskvada metro stansiyası yaxınlığında əlində kəsilmiş uşaq başı olan qadın saxlanılıb.
APA-nın xəbərinə görə, bu barədə “Moskva” agentliyinə Rusiya İstintaq Komitəsinin Moskva üzrə Baş İstintaq İdarəsinin rəsmi nümayəndəsi Yuliya İvanova bildirib.

Saxlanılan şəxs meyiti yanğın baş vermiş mənzildə tapılan uşağın qətlində şübhəli bilinir. Y. İvanovanın sözlərinə görə, həmin qadın qətlə yetirilən uşağın dayəsi olub.

REN TV-nin məlumatına görə, “Oktyabrskoye pole” metro stansiyası yaxınlığında əlində kəsilmiş uşaq başı olan hicablı qadın özünü partlatmaqla hədələyib.

Qeyd edək ki, bu gün səhər “Oktyabrskoye pole” metro stansiyasına yaxın ərazidə mənzildə yanğın baş verib. Yanğın söndürüldükdən sonra hadisə yerində 3-4 yaşlı uşağın başı kəsilmiş meyiti aşkarlanıb. İlkin ehtimallara görə, uşaq öldürüldükdən sonra mənzil yandırılıb.

Faktla bağlı araşdırma aparılır.


13:44

Moskvada “Oktyabrskoye” metro stansiyasının yerləşdiyi ərazi mühasirəyə alınıb.
APA-nın RBK-ya istinadən verdiyi məlumata görə, buna səbəb əlində kəsilmiş uşaq başı olan naməlum şəxsin “Allahu Əkbər” qışqırması olub.

Həmin adam qara paltarda olduğundan hüquq-mühafizə orqanlarının əməkdaşları onun kişi ya qadın olduğunu müəyyən etməkdə çətinlik çəkiblər.

Qeyd edək ki, bir müddət öncə sözügedən metro stansiyasına yaxın ərazidə yerləşən evlərin birində başı kəsilmiş uşaq meyiti aşkarlanıb.