Ermənistanda balıqçılar İrəvan-Göyçə yolunu bağlayıblar.

Axar.az xəbər verir ki, buna səbəb balıq tutulmasıyla bağlı qoyulan qadağalar olub.

Belə ki, Ermənistanın Ətraf Mühit Nazirliyi apreldən sentyabra qədər göldən balıq tutulması üçün kvota tətbiq edib ki, bu da balıqçı erməniləri razı salmayıb.

Etiraz aksiyasının keçirildiyi yerə Göyçə vilayətinin qubernatoru Karen Sərkisyan gəlib. Sərkisyan etirazçılar qarşısına çıxaraq qərarı Nazirlər Kabinetinin verdiyini və onun buna mane olmaq haqqının olmadığını deyərək, məsuliyyəti üzərindən atıb. Bundan sonra qubernatorun çıxışına imkan verməyən etirazçılarla Sərkisyan arasında qarşıdurma yaşanıb. Sərkisyanın ünvanına müxtəlif təhqirlər səsləndirilib.