Latviya hökuməti növbəti iclasında koronavirusun yayılmasının qarşısını almaq məqsədilə ölkədə sərt qapanmanın tətbiqi barədə qərar qəbul edib.

Qərara əsasən, oktyabrın 21-dən etibarən ölkədə tədris müəssisələri, əksər mağazalar, eləcə də iaşə obyektləri və digər xidmət məkanları öz fəaliyyətini dayandıracaq.

Lokdaun noyabrın 15-dək davam edəcək.

Qeyd edək ki, son sutka ərzində 1.9 milyon əhaliyə malik ölkədə yeni yoluxanların sayı 2599, ölənlərin sayı isə 24 nəfər təşkil edib.