Bazeldə məşhur tennisçi Rocer Federerin şərəfinə tramvay xətti işə salınıb.

Bu münasibətlə təşkil edilmiş mərasimdə tennis ustasıyla yanaşı, “Bazel” futbol klubunun kapitanı Fabian Fray, baş məşqçi Patrik Ramen və idman direktoru Marko Ştreller də iştirak edib.

Müvafiq görüntülər Federer və “Bazel”in sosial şəbəkə səhifələrində yayılıb.

“Böyük dəbilqə” seriyalı turnirlərin 20-qat qalibi olan tennis ustası bu hadisəni özü üçün böyük şərəf adlandırıb və sanki hələ dünən 8 nömrəli tramvayda məşqlərə gedən balaca oğlan olduğunu bildirib.