“Müdafiə nazirinin mənimlə öz təşəbbüs göstərdiyi telefon danışığı faktını birtərəfli və təhrif edilmiş sitatla açıqlamasına təəccüblənmişəm”. Ordu.az xəbər verir ki, bunu “Facebook” səhifəsində Ermənistanın insan hüquqları üzrə müvəkkili (ombudsman) Arman Tatoyan yazıb.

O qeyd edib ki, Ermənistanın insan hüquqları üzrə müvəkkilinin mövqeləri eynidir və zərrə qədər də olsun dəyişməyib.

“Mövzunu bağlanmış hesab edirəm”, - deyə Tatoyan bildirib.

Ermənistanın ombudsmanı Arman Tatoyan ilə müdafiə naziri Arşak Karapetyan arasında qalmaqal yaşanıb. Tatoyan bir müddət əvvəl Ermənistan Müdafiə Nazirliyinin yaydığı bəyanatı şişirdilmiş hesab etdiyini bildirmişdi. Daha sonra Karapetyan Tatoyanla danışdığı söhbəti təhrif olunmuş formada təqdim edib.