Brüsseldə törədilən terror aktından sonra Amerika Birləşmiş Ştatlarının Atlanta şəhərində həyəcanlı anlar yaşanıb.

Hartsfild-cekson hava limanında vətəndaşların aşkar etdikləri şübhəli çanta gərgin anlara səbəb olub. Çantada bomba olduğunu düşünən sərnişinlər qorxu və həyəcanla ərazidən qaçıblar. Dərhal polisə məlumat verən vətəndaşlar təcili tədbirlər görülməsini tələb ediblər. Əraziyə gələn polis əməkdaşları ərazini nəzarətə götürükdən sonra çantanı yoxlayıblar. Çantadan heç partlayıcı maddə çıxmayıb. Polislər orada geyim dəsti aşkarlayıblar. Bir neçə saatlıq fasilədən sonra sözügedən hava limanının fəaliyyəti tam bərpa olunub.//Atv