İspaniya mətbuatında Arda Gülərlə bağlı maraqlı məqalə dərc olunub.

Fanat.Az xəbər verir ki, İspaniyanın məşhur idman qəzeti AS son sayında gənc futbolçu haqqında “El Nuevo Güler” (Yeni Güler) başlıqlı məqaləni oxucularına çatdırıb.

Məqalədə bildirilir ki, futbolçu "Kral klubu"na transfer olunduğu gündən bəri nəzərəçarpan dərəcədə dəyişilib.

Arda 2 il ərzində 10 kiloqram əzələ yığaraq fiziki baxımdan daha güclü və dayanıqlı futbolçuya çevrilib.

Gülər hazırda şəxsi məşq proqramı ilə yanaşı, xüsusi komanda ilə də işləyir. Onun gündəlik həyatında bir fizioterapevt və şəxsi aşpaz yer alır.