Tailandda baş vermiş hadisə adi qəzalardan biri sayıla bilərdi. Bəli, faciələr çoxalanda onlar statistikaya çevrilir, ağrı və əzab adiləşir - əfsuslar olsun...

Lakin bu qəzadan sonra xəstəxana palatasında çəkilmiş foto milyonlarla insanı kövrəldib.

Milli.Az The Bangkok Post-un Facebok-dakı səhifəsinə istinadən bildirir ki, ölkənin şimalındakı Phre vilayətində, ölkə paytaxtı Banqkokdan 551 km aralıda baş vermiş qəzada gənc ananın olduğu avtomobil aşmışdı.

Avtomobildə qadın 7 aylıq oğlu ilə birlikdə idi.

Qadın və oğlu Ronq Kuanq şəhərindəki hospitala aparılıblar.

Ananın qolları, ayaqları qırılmış, ağır kəllə-beyin travması almışdı.

Lakin o, palatada körpəsini yemləyib.

Ananın övladını əmizdirdiyi an çəkilmiş fotonu Bangkok Post "O, sadəcə ANAdır" adlandıraraq paylaşıb. Foto sosial şəbəkələrdə ildırım sürəti ilə yayılıb.