"NATO-nun qapıları təkcə Ukrayna və Gürcüstan üçün deyil, Finlandiya və İsveç üçün də açıq qalmalıdır".

"Report" xəbər verir ki, bu sözləri alyansın baş katibi Yens Stoltenberq NATO xarici işlər nazirlərinin onlayn görüşündən sonra keçirilən mətbuat konfransında deyib.

Stoltenberq bildirib ki, NATO-nun genişlənməsi bütün Avropada azadlıq və demokratiyanın yayılmasına gətirib çıxarır, ona görə də bu proses davam etməlidir.

NATO baş katibi adlarını çəkdiyi 4 ölkənin alyans üçün dəyərli tərəfdaş olduğunu da əlavə edib.