ABŞ yəhudi dövlətinin Çinlə əlaqə yoluna sədd çəkir

10-01-2022, 13:15           
ABŞ yəhudi dövlətinin Çinlə əlaqə yoluna sədd çəkir
İsrail ABŞ-ın icazəsi olmadan Çinlə münasibətləri inkişaf etdirə bilməyəcək.

Yenisabah.az “Haaretz” nəşrinə istinadla xəbər verir ki, ABŞ və İsrail arasında əldə olunan razılaşmaya görə, İsrail müdafiə sahəsində Çinlə ortaqlıqdan əl çəkəcək və iqtisadi əlaqələrdə Çinlə həyata keçirdiyi bütün layihələri ilk olaraq ABŞ-ın təsdiqi üçün təqdim edəcək.

ABŞ-ın hər il İsrailə etdiyi milyardlarla dollar yardım qarşılığında belə bir tələb qoyduğu iddia edilir.

Sentyabr ayında ABŞ-a səfər edən XİN rəhbəri Yair Lapid İsrailin ABŞ ilə birlikdə hərəkət etdiyini vurğulayaraq, məşhur "Dəmir Qübbə" hava hücumundan müdafiə sistemi üçün ABŞ-dan əlavə yardım istəyib.

İsrailin baş naziri Naftali Benettin isə xüsusilə Çinlə iqtisadi əlaqələri inkişaf etdirmək istədiyi bildirilir.

Qeyd edək ki, 2000-ci ildə ABŞ İsrailə təzyiq edərək, İsrailin Çinə "Phalcon" casus təyyarəsini satmaq üzrə olduğu müqaviləni son anda dayandırıb. 2005-ci ildə isə ABŞ İsrailin "Harpy" pilotsuz təyyarələrinin Çinə satışının qarşısını alıb












Teref.info © 2015
E-mail: n_alp@mail.ru            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.