Çinin Hindistan sərhədində fəaliyyəti regionda qeyri-sabitlik yaradan faktorlardan ola bilər.

Axar.az xəbər verir ki, bu barədə Ağ Evin mətbuat katibi Cen Psaki deyib.

O bildirib ki, Çin qonşularını qorxutmağa çalışır:

“Regionda vəziyyəti diqqətlə izləyirik. Sərhədyanı mübahisələrlə bağlı dialoq və sülh yolu ilə həll yollarını dəstəkləyirik. Partnyorlarımızı dəstəkləməyə davam edəcəyik”.

Qeyd edək ki, mübahisəli Ladax bölgəsindən dolayı Çin və Hindistan hərbçiləri arasında periodik olaraq gərginlik yaşanmaqdadır. Sonuncu belə toqquşma 2020-ci ilin yay aylarına təsadüf edib.