“Mən sirr açmıram, amma qeydə alınmış faktı açıqlayıram ki, Ermənistan üçün ən dinc və təhlükəsiz illər 1998-2008-ci illər olub”. Ordu.az xəbər verir ki, bunu erməni polis polkovniki Sayat Şirinyan “Facebook” səhifəsində yazıb.

Şirinyan qeyd edib ki, yalnız bu 10 il ərzində Ermənistan müharibəyə cəlb olunmayıb, buna görə də böyük sayda ölənlər olmayıb.

Erməni polis polkovniki vurğulayıb ki, Paşinyan Qarabağı təhvil verib.

“Təbii ki, ağrılı itkilərimiz olub, o illərdə 92 erməni sərhədlərin qorunması üçün canından keçib. Nikolizm Qarabağı təhvil verdi, cahillər üçün sevinclidir, uşaqlarımız artıq orada qulluq etmirlər, amma onlar həyatlarını artıq Ermənistanda “heç nə naminə” qurban verirlər”, - deyə o bildirib.

Alpər Mövludoğlu