ABŞ-ın keçmiş Prezidenti Donald Tramp bəyan edib ki, onun çalışmaları sayəsində ölkə dünyada ən güclü nüvə potensialına malikdir və Rusiyanı bu sahədə qarşıdurma cəhdindən çəkinməyə çağırıb.

Bu barədə RİA «Novosti» agentliyi xəbər verib.

Şimali Karolina ştatında öz tərəfdarlarının mitinqində Tramp xatırladıb ki, öz vaxtında nüvə qüvvələrini bütün ordu ilə birlikdə «yenidən qurub». O, qeyd edib ki, bu barədə danışmağı sevmir, amma onun fikrincə, ABŞ-ın nüvə silahı ən güclüdür.

ABŞ-ın eks-başçısı həm də fikir işlədib ki, Rusiya Prezidenti Vladimir Putinə də öz ölkəsinin nüvə qüvvələrinin gücündən danışmağa dəyməz.